ನೆನಪು ಕಾಡುತ್ತಿದೆ

ನೆನಪು....... ಕಾಡುತ್ತಿದೆ

ಪಕ್ಕದ ಕುರ್ಚಿಯಲ್ಲಿ
ನೀನೇ ಕುಳಿತು ನಕ್ಕ ಹಾಗೆ..........
ಕತ್ತಲಲ್ಲಿ ಇಳಿದು ಬಂದ
ಯಕ್ಷಿಣಿ ನಿನ್ನಂತೆಯೇ ಕಂಡ ಹಾಗೆ .....
ಹುಣ್ಣಿಮೆಯನ್ನರಸಿ
ನದಿಯುಕ್ಕಿ ಬಂದ ಹಾಗೆ
ಮತ್ತೆ ಮತ್ತೆ ಕಾಡುತ್ತಿದೆ
ನಿನ್ನ ನೆನಪು..........................

ಕಪ್ಪು ಹಲಗೆ ಮೇಲೆ ಕಂಡ ಅಕ್ಷರ
ನೀನೆ ನಿಂತು ತಿದ್ದಿದ ಹಾಗೆ ..............
ಕಿಟಕಿಯಿಂದಾಚೆ ನಿಂತು ನೀ
ಕೂಗಿದ ಹಾಗೆ
ತಂಗಾಳಿ ಬಂದು ಮುಖಕ್ಕೆ
ಮುತ್ತಿಟ್ಟ ಹಾಗೆ
ಮುತ್ತಿ ಕಾಡುತ್ತಿದೆ ನಿನ್ನ ನೆನಪು.......

ಕಂದಮ್ಮ ಕಿಲಕಿಲನೆ ನಕ್ಕ ಹಾಗೇ
ಮಳೆಬಿಲ್ಲ ಮೇಲೆ ನಿಂತು ನೀ ಕರೆದ ಹಾಗೇ ,
ನೀ ಬಿಟ್ಟುಹೋದ ಹೆಣ್ಣು ಗೊಂಬೆ
ವಿರಹದಲ್ಲಿ ಕೊರಗಿದ ಹಾಗೇ,
ಕನವರಿಸಿ ಕಾಡುತ್ತಿದೆ

ನಿನ್ನ ನೆನಪು ..............